Pregunta2018-08-11T05:44:29+00:00

Pregunta

Korpodeko lo evaluá situashon di kada mikroempresario riba su mes i lo yega na palabrashon di término di pago konkreto ku kada persona.

Mikro Fiansa ta un fiansa chikí ku ta fasilitá na personanan ku mester di un montante di sèn relativamente chikí. Pa e proyekto akí, e montante por ta na balor di te ku ANG 5.000 na material produktivo pa por fasilitá produkshon komersial pa por paga e fiansa bèk mas pronto posibel.

Personanan ku interes, motivashon i determinashon pa hasi negoshi por tin mester di akseso na kapital pa yuda nan kuminsá hasi negoshi òf desaroyá nan negoshi chikí eksistente fasilitando akseso na sèn, informashon i guia.

E fiansa ku e empresario ta risibí na material produktivo kombiná ku e trayekto di preparashon interaktivo ta un manera digno pa aportá na desaroyo i empoderamentu di hende den diferente situashon di bida. Ku yudansa den forma di fiansa embes di donashon, e mikroempresario ta traha pa forma un relashon di negoshi komo negoshante ku e instansianan konserní.

Mikro Fiansa ta un fiansa chikí ku interes abou i kondishonnan spesial. Ora ta papia di Mikro Fiansa ta referí na fiansanan chikí ku ta fasilitá na personanan ku entrada abou ku ta ekskluí for di e sistema di banko tradishonal. E terminologia ‘mikro’ ta basá riba e montantenan relatívamente chikí di sèn ku ta fia òf spar.

Korpodeko, Ministerio di Desaroyo Sosial, Labor i Bienestar i Ministerio di Desaroyo Ekonómiko ta ofresé e trayekto di Mikro Fiansa komo un oportunidat pa yuda empoderá pèrsonanan ku ke ta empresario i ku di otro manera lo no tin akseso fásil na kapital, preparashon i guia.

Mas pregunta?